Siglir tar il cuntegn
cuntegn

Exteriur Stancladad da virolar periclitescha la sanadad

Substanzas nuschaivlas en l’aria, corpulenza, il virus d’Ebola e la resistenza cunter il vaccinar. Quai èn tenor ina glista da l’Organisaziun mundiala da la sanadad WHO ils pli gronds ristgs per la sanadad. Quai scriva la WHO sin sia pagina d’internet.

Virolar.
Legenda: Las consequenzas dal betg virolar: sin l'entir mund èn per exempel il virustgel s'augmentà il 2017 per 30% cumpareglià cun l'onn avant. Keystone

La resistenza cunter il vaccinar è tenor l'Organisaziun mundiala da la sanadad WHO il pli grond privel per la sanadad. Ella impedescha il svilup dal cumbat cunter malsognas ch'ins pudess impedir cun virolar. Cunter quest privel vul l’organisaziun far dapli quest onn. Cun virolar pon ins mintg'onn impedir var 3 milliuns mortoris. Ulteriurs 1,5 milliuns pudessan vegnir tiers, sche dapli persunas vegnissan viroladas sin l'entir mund. Ils motivs da betg vulair virolar èn multifars: negligientscha, difficil access al vaccin u mancanza da confidenza.

Finamiras per il 2019

L'Organisaziun mundiala da la sanadad WHO ha fixà trais finamiras: mintgamai ina milliarda umans dapli che fin uss duain avair access ad in’assicuranza da malsauns, esser protegids meglier cunter epidemias ed en general viver en in meglier stadi da sanadad.

RR novitads 15:00