En l'Ungaria è la polizia sa retratga da la staziun ost a Budapest. Silsuenter hajan plirs 100 fugitivs empruvà dad ir en ils trens. Quai rapporta l'agentura da novitads Reuters.
Cura ch’ils fugitivs pon cuntinuar cun lur viadi en direcziun dal vest n'è anc betg cler. Sco las viafiers da l'Ungaria communitgeschan, na dettia il mument nagins trens directs en direcziun dal vest.
Il glindesdi eran passa 3’000 fugitivs arrivads davent da l'Ungaria en la Germania e l'Austria. Silsuenter aveva la polizia serrà la staziun.
