En la provinza Nova Scotia en l’ost dal Canada è il stemprà «Lee» fruntà sin terra franca. Quai cun ina spertezza da vent da passa 110 kilometers l'ura. Quai ha annunzià il Center naziunal da huricans american.
Legenda:
Stemprà «Lee» en ils Stadis Unids
Keystone
Igl haja dà inundaziuns, plantas sajan derschidas ed igl haja dà interrupziuns da la forza electrica. Quai han communitgà las autoritads localas.
En ils Stadis Unids saja ina persuna morta pervi da las malauras. Bunamain 100'000 chasadas sajan stadas senza forza electrica en il stadi federativ da Maine.