Il stemprà tropic ha furià cun suffels da fin 75 kilometers l'ura. Per part haja dà inundaziuns, plantas sajan derschidas e chasas vegnidas donnegiadas. En tut han bunamain 30'000 persunas stuì bandunar lur dachasa ed ir en alloschis provisorics. Il servetsch meteorologic ha entant abolì l'alarm da stemprà. Uschia vala «Pabuk» uss be pli sco zona da pressiun bassa tropica.
En la regiun da l'insla Ko Samui funcziuna il traffic d'eroport e da las feras dapi oz puspè sco usità. I sa tracta d'ina regiun da vacanzas.
audio
Il stemprà «Pabuk»
ord Il chavazzin dal di dals 05.01.2019.
Maletg: Keystone
laschar ir. Durada: 2 minutas 37 Secundas.
Betg uschè ferm sco l'onn 1962
Las autoritads temevan che quest stemprà pudess devastar tuttina fitg sco il stemprà tropic «Harriet» l'onn 1962. Lura avevan radund milli persunas pers la vita.
RR novitads 07:00