Siglir tar il cuntegn

Header

audio
Per tadlar: curt e cumpact
Or da RTR Audio dals 06.01.2023.
laschar ir. Durada: 44 Secundas.
cuntegn

Stgaudada dal clima Mo mez usché blers glatschers l'onn 2100, en il meglier cas

In studi fa prognosas cons glatschers ch'i dat anc 2100, ed ha eruì ch'i dettia lura be pli la mesadad. Quai mo sch'i dat fermas mesiras cunter la stgaudada globala.

Era cun fitg gronds sforzs vegnia ina gronda part dals glatschers sin l'entir mund a svanir. Questa prognosa fa in studi, publitgà en la revista dal fatg «Science». Bunamain la mesadad dals passa 200'000 glatschers resguardads vegnian a lur fin l'onn 2100, sche l'augment da la temperatura vegnia limità sin 1,5 grads.

Quasi nagins glatschers pli cun la politica actuala

Sch'i vegn ad esser 2 grads pli chaud il 2100, lura pon ins quintar cun la spariziun da 70% da glatschers pitschens. Ina stgaudada globala da 2 grads è la stgaudada maximala prevesida en la cunvegna da Paris.

Glatscher en la Norvegia.
Legenda: Glatscher en la Norvegia Reuters

En il mument vesi dentant ora suenter dapli: cun quai ch'è vegnì decidì 2021 a Glasgow, vegni ad esser 2,7 grads pli chaud l'onn 2100. Lura, uschia prognostitgescha il studi, datti en las Alps, a Canada, ils Stadis Unids ed en la Nova Zelanda quasi nagins glatschers pli.

Ina buna nova han ils auturs dal studi era. Mesiras immediatas ed effectivas possian salvar blers glatschers.

RTR novitads 11:00

Artitgels legids il pli savens

Scrollar a sanestra Scrollar a dretga