Siglir tar il cuntegn

Header

cuntegn

Exteriur Stockholm: Attentader probabel ha dumandà asil

L’attentader probabel è in requirent d’asil – sia dumonda d’asil è dentant vegnida refusada. Plinavant èn pliras persunas vegnidas arrestadas.

  • Dumengia en damaun ha la polizia arrestà in’ulteriura persuna che saja suspectada da terror e murdraretsch.
  • Gia venderdi saira era vegnì arrestà l'attentader probabel, in Usbec da 39 onns. El haja dumandà ina permissiun da dimora, quella saja però vegnida refusada.
  • L’um simpatisava para cun pliras gruppas d’extremists, tranter quellas era la milissa terroristica Stadi islamic.
  • Las quatter unfrendas da l’attatga en persunas da la Svezia, da la Gronda Britannia e da la Belgia.

Suenter l’attatga cun camiun en il center da Stockholm ha la polizia communitgà ulteriurs detagls davart la situaziun da las inquisiziuns.

L’attentader probabel simpatisava para cun pliras gruppas d’extremists, tranter quellas era la milissa terroristica Stadi islamic. Plinavant haja l’um dumandà ina permissiun da dimora, uschia la polizia a Stockholm. Quella saja però vegnida refusada. Perquai avess el stuì vegnir repatrià, uschia la polizia a Stockholm. Entant ha la procura publica communitgà ch’ins haja arrestà ina segunda persuna. Ella saja suspectada da terror e murdraretsch.

La polizia tschertga vinavant eventuals gidanters da l’attentader probabel. Tschintg persunas sajan per il mument en arrest. Var 500 sajan vegnidas interrogadas.

RR novitads 12:00+

Artitgels legids il pli savens