Exteriur - Stop per refurma d’immigraziun da Obama
La refurma d'immigraziun dal president american Barack Obama vegn danovamain franada. Ina dretgira d'appellaziun a New Orleans ha refusà la dumonda da la regenza d'abolir ina decisiun d'in derschader a Texas.
Quel aveva franà ina disposiziun provisorica d'Obama che leva dar il dretg da dimora e lavur a milliuns d'immigrants illegals.
Cunter la midada da la politica d'immigraziun ch'Obama aveva annunzià il november avevan tut en tut 25 stadis americans purtà plant. Els rinfatschan al president da surpassar sias cumpetenzas da pussanza.
