Il project avess custà radund 1,5 milliardas dollars. Sco quai ch'il concern d'energia «Stratkraft» scriva, saja el stà confruntà cun obstachels birocratics e cun ina situaziun politica malsegira en il Nepal. Perquai na veglia el betg persequitar vinavant quest project. L'onn 2007 aveva «Stratkraft» survegnì l'incumbensa da construir l'ovra idraulica.
«Stratkraft» è in concern d'energia statal da la Norvegia cun sedia ad Oslo. Il concern lavura surtut cun la forza da l'aua. Entaifer l'Europa è quest concern il pli grond producent d'energia regenerabla.