Dominique Strauss-Kahn, l'anteriur directur dal Fond monetar internaziunal IWF, è vegnì declerà nunculpant da ruffianissem (Zuhälterei) en connex cun partis da sex. Strauss-Kahn n'haja betg cuntrafatg a las leschas cun sa participar a partis da sex cun prostituadas ha decidì ina dretgira franzosa.
La dretgira n'ha betg chattà avunda mussaments per la renfatscha, che l'um da 66 onns haja era organisà talas partis.
El sez n'ha mai snegà d'avair sa participà a las partis da sex. El aveva argumentà ch'el na saja betg stà cunscient che las dunnas preschentas a las partis eran prostituadas. Il 2011 è Strauss-Kahn sa retratgs sco schef da l'IWF pervi da renfatschas da violaziun.
