Exteriur - Studi: 500’000 morts pervi da la midada dal clima
Experts quintan cun ulteriuras unfrendas entras la midada dal clima ils proxims onns. Scienziads da l'universitad dad Oxford prognostitgeschan in mez milliun morts pervi da perditas da mangiativas, chaschunadas da fenomens d’aura extrems.
Il studi publitgà en il schurnal da medischina “The Lancet”, discurra d’ina reducziun dal consum da fritgs da var 4% per persuna.Era pitschnas midadas tar las victualias disponiblas, possian avair enormas consequenzas per la sanadad, di il manader dal studi.
Infarcts, attatgas dal cor u cancer
Questas midadas pudessan esser la raschun per la mort da 529’000 persunas, tranter auter entras infarcts dal cor, cancer u attatgas dal cor, averteschan ils scienziads.
