Siglir tar il cuntegn

Header

cuntegn

Studi da l'ONU Anc adina blers pregiudizis envers dunnas

La gronda part da la glieud ha anc adina grevs pregiudizis envers dunnas, er suenter decennis da la politica d'egualitad.

Tenor in studi da las Naziuns unidas ONU, fatg en 75 pajais, han 9 da 10 persunas almain per part pregiudizis envers dunnas. Circa la mesadad è da l'avis ch'umens sajan megliers manaders politics che dunnas. 4 da 10 èn persvas ch'umens sajan megliers manaders d'economia e 28% manegian schizunt ch'i saja giustifitgà ch'umans pitgan lur dunnas.

Ils pli gronds pregiudizis datti en il Pakistan, Katar, Nigeria, Simbabwe e Jordania. Ils pli paucs pregiudizis ha la glieud da l'Andorra, Svezia, Hollanda, Norvegia e Nova Zelanda.

Il rapport da l'ONU di bain ch'i saja gia vegnì cuntanschì baininqual chaussa areguard l'egualitad. Tuttina sajan differenzas specificas per la schlattaina anc adina pi che mo evidentas.

RTR novitads 07:00

Artitgels legids il pli savens