Siglir tar il cuntegn

Header

Bundestag Nebel Berlin
Legenda: Success per la AfD tar las elecziuns parlamentaras en trais stadis federativs. Keystone
cuntegn

Exteriur Success per la nova partida Alternative für Deutschland

Tar las elecziuns parlamentaras en Baden-Württemberg, Rheinland-Pfalz e Sachsen Anhalt en Germania han la partida populistica gudagnà bleras vuschs. La CDU da la chanceliera Angela Merkel laschà plimas.

Il pli ferm han han ils Cristiandemocrats da la chanceliera Angela Merkel pers en il stadi federativ Baden-Württemberg nua ch'ils Verds èn per l'emprima giada en l'istorgia la forza politica la pli ferma.

La nova partida da la dretga Alternative für Deutschland AfD ha fatg en Sachsen-Anhalt bun 24,2 pertschient. La SPD ha cun be 10,6% da las vuschs pers cun bun la mesadad, cumpareglià cun l'onn 2011.

En Baden-Württemberg han ils Verds cuntanschì 31 pertschient da las vuschs ed uschia surpassà cleramain la CDU. La AfD vegn sin 14,6 pertschient.

En Rheinland-Pfalz ha la SPD gudagnà las elecziuns parlamentaras cun 36 pertschient, la CDU ha anc 32 pertschient. La AfD ha fatg 12,6 pertschient.

RR novitads 21.00

sda/fh/ggf

Artitgels legì il pli savens

Nach links scrollen Nach rechts scrollen