Legenda:
Sin il pli tard en 20 dis duain er sgulatschar qua las bandieras dals Palestinais e dal Vatican.
Keystone
cuntegn
Exteriur - Success simbolic per ils Palestinais
La radunanza plenara da l'ONU ha decis che la bandiera palestinaisa dastga vegnir tratg si avant la sedia da l'ONU. Per la resoluziun han votà 119 pajais, 8 stadis han ditg na e 45 commembers èn s’abstegnids da la vusch, tranter quests era la Svizra.
Tenor la resoluziun dastgan las bandieras da la Palestina e dal Vatican sgulatschar dasper las bandieras dal 193 pajais commembers. Las Naziuns Unidas han ussa 20 dis temp da realisar la decisiun.
Ils 30 da settember vegn il president dals palestinais Mahmud Abbas a visitar la sedia da l’ONU. La Palestina ed il Vatican n'èn betg commembers da l'ONU, els han sulet il status da stadis observaturs.
