Servetschs secrets da la Russia han inscenà u infiltrà demonstraziuns en citads grondas dal vest tenor documents da l'apparat da segirtad russ che pliras medias sco la «Süddeutsche Zeitung», la «ARD Tagesschau» e la gasetta franzosa «Le Monde» han vis.
Las acziuns duajan instigar cunter l'Ucraina u er impedir che la Svezia daventa part da la Nato. Las gruppas agiteschian uschia per exempel per demonstraziuns cunter il president tirc Recep Tayyip Erdogan. Tenor ils documents pretendian las gruppas pitschnas er d'esser Ucranais ed Ucranaisa per crear propaganda en il internet.
Inscenà ed infiltrà demonstraziuns
Tenor las retschertgas hai dà en pliras citads dal vest talas demonstraziuns inscenadas, uschia per exempel a Paris l'entschatta da mars. En pli hajan provacaturs er infiltrà pliras demonstraziuns existentas cun propaganda. Quai per exempel tar demonstraziuns cunter la midada dal clima u la refurma da las pensiuns. Moscau n'ha fin uss betg respundì a las dumondas da la «Süddeutsche Zeitung».
