Siglir tar il cuntegn
cuntegn

Exteriur Suenter demonstraziuns ils ultims dis entschaiva l'inscunter G7

Da mezdi ha cumenzà l'inscunter suprem dals stadis G7 en la Baviera, en il chastè Elmau.

obama e merkel vid maisa cun persunas en costum bavarais
Legenda: Il president dals Stadis Unids da l'America Barack Obama e la chanceliera federala tudestga Angela Merkel tar in inscunter cun la populaziun avant l'inscunter cun ils stadis G7. Keystone

Avant il cumenzament è la chanceliera tudestga Angela Merkel s'inscuntrada cun Barack Obama. Planisada era ina sentupada dad els dus cun burgais.

A Garmisch-Partenkirchen han ils adversaris da la conferenza era la dumengia cumenzà ina demonstraziun. La polizia ha entant terminà ina bloccada sin ina via ed ha purtà davent intgins adversaris dals G7. L'inscunter suprem dals 7 gronds stadis d'industria dal mund dura fin damaun.

RR novitads 12:00