En ils Stadis Unids è l'actura Anne Heche morta cun 53 onns. Quai ha confermà sia famiglia envers la gasetta britannica «Guardian». Suenter in accident cun auto avant in'emna è ella stada en il coma cun grevas blessuras dal tscharvè.
Enconuschenta è Anne Heche cunzunt stada per sias rollas en films sco «Donnie Brasco», «Sechs Tage, sieben Nächte» u «Volcano». Plinavant er per sias rollas en las serias «Ally McBeal» e «Nip/Tuck».