Siglir tar il cuntegn

Header

cuntegn

Suenter sia malsogna Boris Johnson puspè a chasa

Il primminister britannic Boris Johnson è vegnì relaschà da l'ospital. El na vegnia dentant betg immediat a cumenzar cun sia lavur. Quai ha ditg in pledader da la regenza a Londra. Johnson sez è sa drizzà cun in messadi d'engraziament via las raits socialas.

Johnson era vegnì transportà la dumengia en in ospital a Londra suenter che ses sintoms pervia dal coronavirus eran sa pegiurads. Trais dis ha el stuì passentar sin la staziun intensiva. La gievgia era el lura puspè vegnì transferì sin la staziun normala.
En Gronda Britannia èn fin ussa radund 10'000 persunas mortas pervia dal virus. Tenor la fundaziun Wellcome pudess la Gronda Britannia daventar il pajais europeic ch'è pertutgà il pli fitg da la pandemia.

Ord l'archiv

video
Boris Johnson en l'ospital
Or da SRF News dals 06.04.2020.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga