Siglir tar il cuntegn

Header

cuntegn

Suenter tumults UE discutescha mesiras cunter Kasachstan

Suenter la supressiun sanguinusa dals protests encunter la regenza en il Kasachstan vulan ils ministers da l'exteriur da l'UE sa cussegliar quest'emna davart mesiras pussaivlas. I stoppia vegnir fatg cler ch'ins n'acceptia betg il sa cuntegnair da la regenza casaca. Quai ha ditg il minister d'Europa franzos, Clement Beaune, envers l'emettur «C News». La Frantscha presidiescha tenor il turnus il mument il cussegl dals ministers da l'UE. L'emittur da televisiun statal casac aveva annunzià 164 morts pervi dals tumults, dentant puspè stizzà questa infurmaziun.

Las demonstraziuns vevan cumenzà avant bun in'emna quai pervia da l'augment dals pretschs sin carburant. Tenor infurmaziuns offizialas haja dà passa 2'000 blessads e radund 8'000 persunas sajan vegnidas arrestadas en connex cun ils tumults.

RTR novitads 06:00

Artitgels legids il pli savens

Scrollar a sanestra Scrollar a dretga