En l'Australia vegn il prim-minister conservativ Scott Morrison probablamain a restar en uffizi rapporta l'agentura da novitads svizra SDA. La colliaziun dal center-dretg ha gudagnà las elecziuns dal parlament avant la partida da l'opposiziun Labor – malgrà che tut las enquistas avant las elecziuns avevan laschà spetgar in auter resultat.
Tenor las calculaziuns da l'emettur da televisiun ABC pon la partida liberala da Scott Morisson e la partida naziunala reger vinavant il pajais. Betg anc cler saja, sch'i vegn a dar ina regenza da maioritad u da minoritad.
Il schef da l'opposiziun Bill Shorten ha concedì sia terrada e gratulà al prim-minister per sia victoria.
RR novitads 17:00
