Legenda:
La chasa a Chemnitz nua che la polizia tudestga aveva fatg ina razzia e chattà material explosiv.
Keystone
La polizia aveva arrestà l'um sirian il glindesdi en damaun. En la citad da Chemnitz aveva el planisà e preparà in'attatga cun material explosiv sin in eroport a Berlin, sco la polizia tudestga ha ditg. Cura che la polizia aveva fatg ina razzia en in’abitaziun a Chemnitz, era l’um mitschà per pauc. En l’abitaziun ha la polizia chattà 1,5 kilos dal fitg privlus material explosiv TATP.
Il defensur d'uffizi dal Sirian fa grevas renfatschas a las autoritads. Tenor la revista Focus Online discurra l'advocat d'in scandal da giustia. Als responsabels saja stà enconuschent il ristg da suicidi da l'accusà.
RR novitads 23:00
