Suspectà era gia pli baud en visier d'autoritads

La polizia tschertga in Tunesian. Ils documents da l’um sa chattavan en il camiun. Il requirent d’asil refusà era enconuschent a las autoritads.

 En la cabina dal camiun èn vegnids chattads ils documents d'asil d'in Tunesian. Bild in Lightbox öffnen.

Legenda da maletgs: En la cabina dal camiun èn vegnids chattads ils documents d'asil d'in Tunesian. Reuters

Survista

  • La polizia tschertga en connex cun l'attatga a Berlin in burgais tunesian.
  • Ils documents d'asil da l'um èn vegnids chattads en la cabina dal camiun.
  • I sa tracta d'in requirent d'asil refusà ch'aveva contact cun la scena da salafists.
  • El n'ha betg pudì vegnir tramess davent perquai ch'i mancavan ils documents da remplazzament ord la Tunesia.

Suspectà na sto betg exnum esser delinquent

Il nov suspectà en connex cun l'attentat a Berlin vegn tschertgà en l'entir'Europa. Quai ha communitgà il minister da l'intern tudestg Thomas de Maizière.

El ha accentuà che l'um saja in suspectà e betg stringentamain il delinquent. I vegnia investigà en tuttas direcziuns uschia Maizière.

Um tschertgà duai esser privlus

Da l'um suspectà sa tractia tenor il minister da l'intern da Nordrhein-Westfalen d'in um giuven da la Tunesia. El è entrà il fanadur 2015 en la Germania. El saja er dà en egl cun ses contacts en la scena da salafists. L'um era gia enconuschent a la polizia ed è vegnì taxà sco privlus.

RR novitads 16:00