Siglir tar il cuntegn

Exteriur Suspectà principal vegn arrestà

En il Mexico ha la polizia arrestà la persuna suspectada principala en il cas dal rapinament da 43 students. L'arrestà saja schef regiunal dad in’organisaziun criminala.

Il settember passà eran 43 students vegnids rapinas e probabel mazzads.
Legenda: Il settember passà eran 43 students vegnids rapinas e probabel mazzads. Keystone

Quel haja ordinà da mazzar ils students, ha ditg l'incumbensà naziunal per segirezza en il Mexico. Suenter ina observaziun pli lunga dal sevetsch secret e la polizia saja «El Gil» vegnì arrestà.

Inquisiziuns dispitaivlas

Il settember 2014 avevan policists attatgà students durant ina demonstraziun e surdà els a l'organisaziun criminala. Plirs commembers da l'organisaziun han entant laschà valair ch'els hajan mazzà students e brischà lur baras. Ils confamigliars dals umens rapinads na crajan però vetg la versiun uffiziala dal drama e pretendan ulteriuras inquisiziuns.

RR novitads 06:00