Er dus mais suenter las elecziuns en la Svezia, n'ha il pajais anc nagina regenza. Il politicher conservativ, Ulf Kristersson, n'è betg vegnì elegì dal parlament sco nov primminister. Ensemen cun ils Cristiandemocrats vuleva el furmar ina regenza da minoritad. Gia avant l’elecziun avevan la Partida dal center ed ils Liberals fatg cler da betg sustegnair Kristersson.
Suenter l’elecziun parlamentara da l’entschatta settember n’èsi gartegià a nagina partida da furmar ina coaliziun da regenza.
RR novitads 11:00