Cun 18,7 milliardas dollars è la svieuta en l'emprim quartal 5% pli bassa ch'avant in onn. L'interpresa da servetschs d'IT ha dentant fatg in meglier resultat che spetgà dals analists. Il gudogn net è sa reducì sin 2,01 milliardas dollars.
Problems chaschunan il mument il dollar ferm e che la clientella sa tegn enavos cun cumprar products da IT. Passa la mesadad da las entradas da IBM derivan da l'exteriur.
Il concern IBM, International Buisness Machines, emprova, sumegliant a ses rivals Oracle e Microsoft, da fitgar pe en la fatschenta da Cloud. IBM suonda il trend davent da Software classica tar applicaziuns che funcziunan sin Servers externs lunsch davent dal client.
RR novitads 6:00