En ses rapport 2018 cusseglia la WTO a las regenzas da stgaffir las basas legalas necessarias per il svilup da la tecnologia. Uschia possian fatschentas da l'entir mund profitar rasantamain dals svilup. L'organisaziun è er persvadida che fatschentas mesaunas e pitschnas sco er da quellas en pajais isolads possian profitar. Plinavant saja er la svieuta tar il commerzi online s'augmentada dal 2013 fin il 2015 per 65% sin 25 billiuns dollars, uschia la WTO. En ses rapport scriva l'organisaziun er davart las consequenzas dal squitsch 3D u da l'intelligenza artifiziala per il commerzi mundial.
RR novitads 11:00