La raschun per l'abstenziun da la Svizra è ch'il Cussegl federal na vul betg suttascriver ina tala cunvegna. Davos questa decisiun stat plinavant il fatg che las cumissiuns dal Cussegl dals chantuns e dal Cussegl naziunal n'èn betg d'accord davart la cunvegna.
Il Cussegl federal è da l'avis che nagin stadi cun armas atomaras suttascrivess ina tala cunvegna. Plinavant tema el che la cunvegna existenta cunter la derasaziun d'armas atomaras daventass pli pauc impurtant. Anc il 2017 aveva la Svizra vuschà per il scumond.
L'organisaziun cunter armas atomaras ICAN ha crititgà la tenuta dal Cussegl federal. Quella decisiun na correspundia betg a la tradiziun umanitara da la Svizra.
RR novitads 12:00