Siglir tar il cuntegn
cuntegn

Exteriur Svizra: Marcantamain damain infecziuns da HIV il 2017

Tenor l'Uffizi federal da sanadad hai da il 2017 445 novs cas. Quai è 16% pli pauc che l'onn avant. L'uffizi declera quest svilup surtut cun la politica da prevenziun dals ultims onns. Ils onns 1980 era il dumber d'infecziuns novas anc tar bun 2'000 per onn.

pachets cun condoms sin ina maisa
Legenda: Condoms èn anc adina in dals pli impurtantas pussaivladads da prevegnir ad in'infecziun cun HIV. Keystone

Tranter auter vegnia fatg dapli tests. Cunzunt tar ils umens che han sex cun umens saja il dumber da tests creschì per 20%. Tar ina nova infecziun possian ins plinavant cumenzar pli baud cun il tractament. Sche quel vegnia fatgs consequentamain po il livel da virus vegnir sbassà uschè fitg ch'ina persuna infectada cun HIV na po betg pli infectar in'autra.

Svilup positiv er tar ulteriuras malsognas sexualas

Bunas novas ha l'uffizi er tar las ulteriuras malsognas sexualas contagiusas. Suenter ch'il dumber è creschì marcantamain ils ultims onns, è quel ussa sa stabilisà. Sch'i sa tracta qua d'ina midada da trend, lascha l'uffizi da sanadad però avert.

RR novitads 11:00