Siglir tar il cuntegn

Header

cuntegn

Exteriur Swiss prolunghescha pausa da sgols per la China

aviun cun bandiera svizra
Legenda: La pausa da sgular en la China continentala è prolungada fin la fin da mars. Keystone

Pervi dal virus da Corona restan las colliaziuns cun Peking e Schanghai vinavant interruttas, han decidì la Swiss e sia societad-mamma Lufthansa. Quai almain fin la fin da mars. Per Hongkong dettia quai era ina reducziun da capacitads, communitgescha la Swiss. Là èn previs aviuns pli pitschens.

L'emprim eran ils sgols vegnids stritgads mo fin la fin favrer. Ins observeschia vinavant la situaziun e saja en contact cun las autoritads, scriva la Swiss. Era la Austrian Airlines (era affiliada a la Lufthansa) prolunghescha la pausa.

Era autras societads aviaticas reduceschan

Ultra da quai han era la societad aviatica scandinava SAS prolungà ses stop da sgular a Schanghai e Peking fin la fin da mars. Per Hongkong parta la SAS però senza reducziuns.

Consequenzas economicas enormas

Las consequenzas economicas pervi dal virus da corona èn enormas. Tenor l'organisaziun per aviatica civila ICAO, vegnan ils sgols che crodan ora a chaschunar reducziuns da svieutas tar las societads aviaticas da 4 fin 5 milliardas euros. Quai saja dapli che durant l'epidemia da SARS il 2003.

Ord l'archiv

video
Coronavirus: Societads aviaticas desistan sin soglas en China
Or da Tagesschau dals 29.01.2020.
laschar ir. Durada: 2 minutas 21 Secundas.

RTR novitads 10:00

Artitgels legids il pli savens