Il gudogn da Swisscom è creschì per 2,5% sin 373 milliuns francs. La svieuta è perencunter ida enavos per 1,9% sin bun 2,8 milliardas francs. Tenor Urs Schäppi, il CEO da Swisscom, è il resultat dal concern da l’emprim quartal stà stabil. E quai malgrà la gronda pressiun da pretschs e las cundiziuns generalas difficilas. La telefonia cun la rait fix saja ida marcantamain enavos. Allegraivel percunter, saja il svilup tar la televisiun, ils telefonins e l’internet dal spectrum lartg.
RR actualitad 8:00