Siglir tar il cuntegn

Header

cuntegn

Exteriur Syngenta prest en mauns chinais

Il concern da chemia statal da la China, ChemChina vul surpigliar il concern d'agrochemia svizzer, Syngenta. Il cussegl d'administraziun da Syngenta cusseglia als acziunaris d'acceptar l'offerta.

Cun custs da 43,7 milliardas francs fiss quai la pli gronda acquisiziun che la China ha fatg enfin ussa en l'exteriur. L'offerta da ChemChina munta a 470 francs per aczia. Ella vegn publitgada en Svizra ed en ils Stadis Unids las proximas emnas. La transacziun duai esser sut tetg enfin la fin da l'onn. Ella sto anc vegnir approvada da la cumissiun da concurrenza.

Gia ier eri vegnì speculà davart la cumpra. Quai aveva procurà per in ferm augment da la aczia da Syngenta: da 378 sin 392 francs.

RR novitads 6:00

Artitgels legids il pli savens