La Deutsche Bank stritga quasi in terz da tut sias plazzas. La strategia sut il nov schef, John Cryan prevesia da stritgar radund 15’000 plazzas, communitgescha la pli gronda instituziun da daners tudestga.
Questa reducziun na saja betg in simpel pensum. Ins vegnia però a far quai cun tutta precauziun ed ensemen cun lur represchentants dals lavurants, uschia Cryan.
Cun las mesiras da spargn vul la banca reducir ils custs per radund 3,8 milliardas euros. Il terz quartal ha la banca numnadamain fatg ina perdia da record da 6 milliardas.
