Milliuns umans èn stads pertutgads dal taifun Phanofone ch'è furià ils dis da festa sur las Filippinas. Pliras persunas sajan anc sparidas, quai han communitgà las autoritads. Il taifun ha cunzunt furià en las provinzas da l’ost e dal center dal stadi insular. 58'000 persunas èn vegnidas evacuadas. Il traffic public è stà paralisà.
Tenor il servetsch meteorologic ha il taifun cuntanschì spertezzas da vent da fin 195 kilometers per ura. Entant haja el bandunà las Filippinas e sa movia en direcziun vest.
RR novitads 09:00
