- La fin d'emna vegn prognostitgà plievgia en la regiun - quai pudess agravar la situaziun ed emplenir la tauna cun aua.
- Sche l'aua crescha fitg sche stoppian las forzas da salvament empruvar da salvar l'equipa na da la tauna - quai vul di ch'ils giuvens stuessan sfunsar.
- Tar in'acziun da salvament era mort il venderdi in sfunsader tailandais en la vegliadetgna da 37 onns.
Per pudair salvar ils uffants bloccads en ina tauna en la Tailanda han ils gidanters fatg pli che 100 foras. Anc n’han las forzas da salvament dentant betg gì success. Dapi duas emnas èn ils uffants da 11 fin 16 onns ed il trenader bloccads en la tauna pervi da la bler'aua. Ed il temp da plievgia actual fa la situaziun anc pli critica. Sco il manader da las forzas da salvament di sajan ils uffants memia flaivels per sfunsar ord la tauna.
RR novitads 09:00