Siglir tar il cuntegn

Exteriur Tailanda: Tut ils buobs e lur trenader spendrads

Tut ils 12 giuvenils e lur trenader èn uss deliberads da la tauna ch'els han stuì spetgar passa duas emnas.

Purtret d'in'ambulanza che parta da la tauna per ir en ospital.
Legenda: Happy end en Tailanda: Tut ils 12 giuvenils e lur trenader èn spendrads da la tauna. Reuters

Il mardi hajan forzas da salvament accumpagnà ils ultims giuvens e lur trenader en il liber. Quai han communitgà las autoritads localas. Ils ultims 5 èn vegnids deliberads tuts il mardi cun la terza acziun da salvament. Els eran plirs kilometers en l'intern d'in sistem da taunas. Dasper ils 5 giuvenils ed il trenader han era quatter gidanters stuì vegnir deliberads. Tranter auter in medi ch'era restà en la tauna per pudair gidar en cas d'urgenza ils giuvenils flaivels.

Ils giuvenils e lur trenader eran vegnids surprais da l'aua ils 23 da zercladur ed eran fugids adina pli anen en la tauna per fugir da l'aua. Passa duas emnas eran ils 12 giuvenils e lur trenader stads serrads en.

Tenor rapports dal ministeri da sanadad sajan ils otg giuvenils gia spendrads en in bun stadi. Els stoppian dentant anc restar en ospital en quarantina.

RR novitads 14:00