Siglir tar il cuntegn

Exteriur Taiwan: anc blers sparids suenter terratrembel

In di suenter il grev terratrembel en il sidost da Taiwan, èn anc sparidas 120 persunas. Il dumber da morts è entant s'augmentà sin 29, quai rapportan medias localas e sa basan sin las autoritads.

Las forzas da salvament tschertgan in access al bajetg demolì a Tainan.
Legenda: Las forzas da salvament tschertgan in access al bajetg demolì a Tainan. Keystone

Pliras chasas autas èn vegnidas donnegiadas fermamamain en la metropola da dus milliuns abitants Tainan. Radund 500 persunas èn vegnidas blessadas tar il terratrembel, 100 sa chattan anc en ospitals. Ils blers sparids sa chattan en las ruinas d'ina chasa da 16 auzadas ch'è cupitgada en la metropola.

La terra ha stremblì cun ina fermezza da 6,4 sin la scala da Richter. L''epicenter è stà a Meinong, datiers da la citad da port Kaohsiung (40km en il sidost da Tainan).

RR novitads 06:00 / 17:00 / 07.02.2016, 09:00 / 17:00