Il suveran dal Taiwan ha reelegì Tsai Ing-wen sco presidenta, ella po uschia cumenzar sia segunda perioda d’uffizi. La politicra da 63 onns ha fatg la sonda cleramain pli che la mesadad da las vuschs, ed è uschia elegida per ina segunda perioda d'uffizi da quatter onns. Il cuntracandidat Han Kuo-yu che la China avess preferì, ha concedì la terrada.
Tar ses pled da victura ha la veglia e nova presidenta engrazià a tuts ch’èn sa participads a l’elecziun – independent per tgi ch’els hajan vuschà.
Cun mintga elecziun presidiala mussa il Taiwan al mund, quant fitg che nus savain appreziar noss stil da viver liber e democratic.
Il reschim chinais vesa il Taiwan mo sco part da la republica populara – malgrà che l’insla n’ha mai tutgà tar il stadi communist. Peking smanatscha era da conquistar cun militar il Taiwan.
RTR novitads 15:00