Exteriur - Taliban attatgan basa aviatica en Pakistan
En il Pakistan han rebels dals taliban attatgà ina basa da l'aviatica militara en il nordvest dal pajais. Almain 29 persunas sajan vegnidas mazzadas, tranter quellas 13 attatgaders, communitgescha il militar pakistan.
Pliras gruppas da talibans avevan attatgà in champ datiers da Peshawar. Els eran plinavant era entrads en ina moschea ed avevan mazzà là almain 16 cartents.
Ils talibans èn sa declerads responsabels per quest'attatga. Tenor indicaziuns dal servetsch da salvament èn radund 2 tozzels blessads vegnids transportads en ospitals.
