Siglir tar il cuntegn

Header

Il schef da la Taliban, Mullah Omar duai esser mort en consequenza d’ina malsogna.
Legenda: Il schef da la Taliban, Mullah Omar duai esser mort en consequenza d’ina malsogna. Reuters
cuntegn

Exteriur Taliban conferma mort da ses schef Omar

In di suenter l’annunzia da la regenza afgana, conferman ussa era ils rebels islamists la morts dal schef da la Taliban, Mullah Omar. Omar saja mort en in ospital en consequenza d’ina malsogna, uschia ils rebels e la famiglia dad Omar.

Nov schef da la Taliban è ussa il viceschef Achtar Mohammad Mansur. Quai almain tenor indicaziuns d’in dals Taliban a la testa. La regenza afgana aveva declerà mort la mesemna il schef da la Taliban Mullah Omar. El saja gia mort l’avrigl 2013 en il Pakistan. Daco na saja anc betg cler, Omar dueva dentant esser stà malsauns.

Damaun venderdi eran stads planisads discurs tranter la Taliban e la regenza afgana. Quels èn uss vegnids spustads, communitgesch la regenza.

RR novitads 16:00

Artitgels legids il pli savens

Ir a sanester Ir a dretg