Tanja Bundi ha l'impressiun ch'ils blers sa tegnan vi dals cussegls da la politica svedaisa – e restan per la gronda part a chasa. Tuttina saja la pussaivladad dad anc dastgar ir en ustarias e butias fitg carmalanta. Uschia saja era ella stada – excepziunalmain – a tschaina la sonda passada e stada surstada quanta glieud ch'è tuttina anc en gir.
Er sche la dunna oriunda da Glion è en sasez persvadida da la tactica svedaisa, che saja adattada a la mentalitad da la Svezia cun pauca controlla e blera atgna responsabladad, giavischa ella tuttina in zic dapli reglas cleras.