Siglir tar il cuntegn
Inhalt

Exteriur Tar la Crusch Cotschna èn 6 milliuns dollars svanids

Per il cumbat cunter l'epidemia d'Ebola en l'Africa dal Vest èn svanids 6 milliuns dollars. Quai han investigaziuns internas purtà a la glisch, communitgescha la Federaziun internaziunala da la Crusch Cotschna e da la Mesaglina cotschna.

Placat cun «Stop Ebola».
Legenda: L'epidemia d’Ebola ha custà la vita ad almain 11'000 persunas en l'Africa dal Vest. Keystone

Tut ils collavuraturs cumpigliads vegnian uss a stuair sa responsar. Tenor las investigaziuns èn en il stadi da Sierra Leone 2,1 milliuns dollars ed en Guinea almain 1,2 milliuns dollars vegnids defraudads en Liberia mancan 2,7 milliuns dollars.

Controlla da medis.
Legenda: Controllas duain gidar da reducir la derasaziun dal virus. Keystone

Epidemia Ebola

La fin dal 2013 era rutta ora en l’Africa dal Vest ina gronda epidemia d’Ebola. En ils trais stadis fitg paupers Guinea, Sierra Leone e Liberia èn var almain 11'000 persunas mortas. Il virus è vegnì scuverts il 1976 en la Republica Democratica dal Congo. Dapi lura è la malsogna adina puspè rutta ora, quai oravant tut en l'Africa dal Vest e l'Africa da l'Ost.

RR novitads 07:00