Siglir tar il cuntegn

Exteriur Tarpuns d'ieli avant la costa da la China

Ina nav-cisterna da l'Iran ch'è sfundrada avant la China ha chaschunà dus tarpuns d'ieli en la mar ost chinaisa.

La nav-cisterna iranaisa «Sanchi» che arda. E dus bastiments ch'emprovan da stizzar.
Legenda: La nav-cisterna iranaisa «Sanchi» è sfundrada avant la costa da la China. Keystone

Suenter ch’in bastiment d’ieli da l'Iran è sfundrà avant la costa da la China datti uss dus gronds tarpuns dad ieli en la mar ost chinaisa. In da quels ha ina lunghezza da 15 kilometers l’auter da 18 kilometers, quai rapporta l’agentura da novitads statala chinaisa Xinhua. Bastiments ed aviuns controlleschian co la situaziuns sa sviluppeschia, uschia las autoritads chinaisas.

Privel per la natira

Gia ier aveva l’organisaziun d’ambient WWF averti da gronds donns, uschia aveva il bastiment chargia 136'000 tonnas d’in condensat d’ieli e milli tonnas ieli grev che vala sco enorm toxic. Er toxic per animals da la mar ed utschels saja il condensat che sortia dal bastiment.

Nagina speranza per mariners

La nav-cisterna ch'è sfundrada la dumengia aveva 30 mariners da l'Iran e dus da Bangladesch a bord. Tenor il ministeri da transport da l'Iran na dettia nagina speranza pli per ils mariners.

RR novitads 12:00