Il gudogn net saja creschì cumpareglià cun la medema perioda da l'onn passa per 13% sin 274 milliuns euros, ha communitgà Philips. Analists avevan mo quintà cun in gudogn da 107 milliuns euros.
Sco Philips scriva fa dentant il svilup da la conjunctura quitads, cunzunt en la China, en la Russia ed en l'America Latina.
Concentraziun sin paucas spartas
L’onn passà era il concern da tradiziun sa distatgà da divers champs commerzials. Uschia duai la fatschenta cun tecnica da glisch vegnir vendida. Il medem mument vul Philips sa concentrar sin la tecnica medicinala e pitschens apparats da chasa.
RR novitads 11:00