La giustia americana investighescha cunter in teenager che leva assassinar il candidat republican Donald Trump. Tar in'occurrenza dal cumbat electoral a Las Vegas ha il giuven da 19 onns empruvà da strair davent l'arma dad in policist.
Sco quai ch'igl ha num en las actas da la dretgira a Nevada haja l'um concedì ch'el planisava dapi in onn da mazzar Trump. Il giuven era vegnì arrestà la sonda en in hotel a Las Vegas. Tenor rapports da medias sa tracti d'in burgais britannic.
