Siglir tar il cuntegn

Header

cuntegn

Exteriur Tema per pausa da cumbat en Siria

L'intermediatur da las Naziuns Unidas tema per l'armistizi en la Siria. Tar l'ulteriura runda da tractativas da pasch a Genevra ha l'intermediatur spezial Staffan de Mistura appellà a tut las forzas participadas en la Siria da respectar la pausa da cumbat.

La pausa da cumbat en la Siria è rumpaivla, e Staffan De Mistura ha danovamain appellà da respectar quella. Cun l'armistizi possian ins dar paus e curaschi a la populaziun en la Siria, ha el ditg.

Las tractativas cumenzan cun discurs cun l'opposiziun en la Siria. La delegaziun da la regenza siriana arriva il venderdi per las tractativas a Genevra, quai pervi da las elecziuns parlamentaras en la Siria.

Durant las ultimas duas rundas da discurs da pasch n’era quai betg reussì a las partidas da conflict da s’avischinar. En il focus dals proxims discurs stattan la furmaziun d’ina regenza transitorica e l’elavuraziun d’ina nova constituziun.

RR novitads 06:00

Artitgels legids il pli savens