Sin l'insla Teneriffa ha la polizia spagnola pudì arrestar quatter falsifitgaders da daners. En la citad Arona, en il sid da l'insla, han ils umens talians producì notas da 10 e da 20 euros e quai «en fitg buna qualitad» sco la polizia communitgescha.
Uschia avessen ils falsifitgaders pudì gudagnar a mais 7'500 euros. Tenor la polizia sa tractia da la pli activa stamparia da daners fauss en la Spagna. Sper las notas dad euro en la valita da 15'500 euro ha la polizia er confiscà computers, squitschaders, palpiri e colurs.
RR novitads 15:00