La Grezia ha gia proclamà il pli aut stgalim d’alarm per la polizia e l’armada. Quai ha decis il cussegl da segirezza sut il timun dal schef da regenza Kyriakos Mitsotakis. Dapi venderdi emprovan millis da persunas d’entrar en il pajais sur il cunfin cun la Tirchia. En il nord da la Grezia ha la polizia erigì barricadas e duvrà gas lacrimogen per franar ils fugitivs. Dentant han plirs tschients fugitivs cuntanschì las inslas grecas en bartgas. La Grezia renfatscha a la Tirchia da motivar migrants cun faussas infurmaziuns da sa render al cunfin cun l'Uniun europeica.
Il minister da l'intern tirc aveva discurrì da passa 76'000 persunas ch'hajan gia passà il cunfin – quai encunter la cunvegna cun l'UE. Il minister da l'exteriur grec percunter ha fatg cler ch'ins haja fin uss impedì da quai da 10'000 persunas da passar il cunfin.
RR novitads 06:00