-
Bild 1 von 6. Tschients da chasas èn crudadas ensemen. Bildquelle: Keystone.
-
Bild 2 von 6. Umens inspecteschan ils donns vi da mirs suenter il terratrembel. Bildquelle: Keystone.
-
Bild 3 von 6. Forzas da salvament portan ina matta blessada en l'ospital a Jalalabad en l'Afghanistan. Bildquelle: Reuters.
-
Bild 4 von 6. Forzas da salvament transporteschan in um blessà a Peshawar en il Pakistan. Bildquelle: Reuters.
-
Bild 5 von 6. Persunas a Srinagar stattan amez ina via suenter l'evacuaziun. Bildquelle: Reuters.
-
Bild 6 von 6. Abitants locals inspectan chasas sballunadas al cunfin tranter Pakistan ed Afghanistan. Bildquelle: Keystone.
L'Afghanistan è vegnì scurlattà d'in ferm terratrembel da 7,5. La terra ha stremblì fin en l'India, en il Pakistan e perfin en la chapitala nepalaisa Kathmandu. Unfrendas ha quai dà tant en l'Afganistan sco er en il Pakistan.
Caos e panica
L'epicenter dal terratrembel è stà datiers da la citad Dscharm en il nordost da la regiun dal Hindukusch, quai en ina profunditad da 213 km. Chasas èn crudadas ensemen, vias èn bloccadas. Dapertut èn persunas curridas en panica sin via.
12 scolaras è mortas
En la citad afghana Talokan han 12 scolaras pers lur vita durant lur emprova da bandunar ina scola. Ellas èn vegnidas traplignadas a mort cura ch'i ha dà ina panica da massa. Quai ha ditg il schef da la protecziun da catastrofas locala.
Mobilisar tuttas forzas d'agid
Tenor indicaziuns da la gassetta pakistana «Dawn» hajan forzas armadas, policists, funcziunaris locals e gidanters civils survegnì l'incumbensa da mobilisar tuttas forzas pussaivlas. L'observatori da terratrembels pakistan ha avertì da terratrembels posteriurs.
Recepziun da televisiun e telefonins è interrutta
En la chapitala dal Pakistan, ad Islamabad, è la recepziun da televisiun vegnida interrutta tras il terratrembel. A Kaschmir en il nord da l'India èn las raits da telefonin crudadas ensemen.
Pir avant in mez onn ha quai dà in ferm terratrembel da 7,8 en la regiun dal Himalaya cun l'epicenter en il Nepal. Radund 9000 persunas eran mortas.
RR novitads 11:00 / 12:00 / 15:00