Siglir tar il cuntegn
Inhalt

Exteriur Terratrembel da 6,9 en il Tibet

En il Tibet ha stremblì la terra. Il terratrembel haja gì ina fermezza da 6,9, communitgescha il servetsch seismologic da la China.

via bloccada
Legenda: Il terratrembel è stà en la vischinanza da Nyingchi en il sidost da la regiun autonoma Tibet. MAD / Xinghua

L'epicenter dal terratrembel ha il servetsch seismologic da la China mesirà en la vischinanza da la citad da Nyingchi en il sidost dal Tibet en ina profunditad da 10 kilometers.

Il servetsch seismologic american ha mesirà la fermezza da 6,3, e localisescha il terratrembel datiers dal cunfin da la China cun l'India.

L'agentura da novitads statala chinaisa Xinhua rapporta da donns vid chasas en pliras vischnancas en la regiun dal Himalaya. Persunas na sajan betg vegnidas a donn.

RR novitads 06:00