Siglir tar il cuntegn

Header

Navigaziun

cuntegn

Exteriur Terratrembel da 7,2 ha stremblì las Filippinas

Il sid da las Filippinas è vegnì stremblì d'in terratrembel da la fermezza 7,2. Il sistem d'avertiment da tsunamis ha silsuenter dà ora in alarm. Quel è entant abolì.

Purtret d'in mantun ruinas.
Legenda: En las Filippinas ha la terra stremblì cun ina fermezza da 7,2 (Archiv 2013). Keystone

Undas malsegiras sajan stadas pussaivlas en in conturn da 300 kilometers enturn l'epicenter, hai gì num en ina communicaziun. L'avertiment da tsunami ha pertutgà 10 provinzas ed ina citad en la regiun en il sid da Mindanao. Il privel da tsunami han las autoritads entant abolì.

Tenor rapports da pertutgads haja il terratrembel cuzzà radund ina minuta. In represchentant da las autoritads ha declerà ch'il terratrembel na saja betg stà devastus.

Tschinta da fieu dal Pacific

Las Filippinas giaschan sin l'uschenumnà «Pazifischer Feuerring» nua che radund 90% da tut ils terratrembels capitan. L'ultim terratrembel ferm en las Filippinas hai dà l'october 2013: Là èn passa 220 persunas mortas tar in terratrembel da la fermezza 7,1. Il fanadur 1990 èn mortas en il nord dal pajais passa 2'400 persunas pervi d'in terratrembel da la fermezza 7,8. Quai è stà in dals pli grevs terratrembels ch'il pajais ha insumma gì.

RR novitads 06:00