In terratrembel da la fermezza 4,8 ha squassà dumengia saira l'Albania e fatg tema a blera glieud. Il center dal terratrembel è stà radund 55 kilometers en il nordvest da la chapitala Tirana, rapporta il center da seismologia ESMC. La squassada saja stada da sentir er a Lezha, Shkodra e Puka.
Bleras persunas da las citads pli grondas han bandunà ord tema lur chasas ed abitaziuns. Davart donns n'hai anc betg dà dapli infurmaziuns. Il terratrembel sveglia dentant regurdientschas vi da quel dal 2019. Là ha la terra squassà cun ina fermezza da 5,6. Blers bajetgs avevan là survegnì donns.